2012 + A Christmas Carol

2012 睇左都有幾星期 (我諗) ... 不過因為懶, 所以無寫 blog, hehe ~~~

2012 未上之前我好想睇 ... 但上左之後, 睇 d 影評話套戲好討好中國, 搞到我有 d 反感 ~~~ 所以都諗左好耐去唔去睇 ... 但丁丁想睇, 咁當然就要去睇啦 ...

套戲無我想像中咁悶, 而我同丁丁都唔覺有幾咁討好中國 ... 中國人多, 人工又平, 自然做得快架啦 ... d 錢又唔係中國政府出既 ... 唯一覺得討好既咪就係將西藏納入左係中國既國土囉 ...

特技真係有 d 誇張 ... 如果今套都做到咁樣, 咩都無曬咁滯, 下套末日片仲可以 sell d 咩呢??

可能現實中, 都好似套戲所講咁, 幾個大國既政府隱瞞住架喎 ... 如果真係有一日, 忽然間好似套戲咁咩都無曬 or 死曬 ... 大家覺得點呢?? 我自己睇完, 就覺得應該及時行樂啦, 盡量做 d 自己想做既野 ... 就算無世界末日, 人生苦短呀, 盡量去享受佢啦 ... 唔係到老左既時候, 無心又無力, 想做咩都無用 ... 對你所愛既人, 表達出對佢既愛啦 ... hehe



至於 A Christmas Carol, 今日同丁丁去左 the grand cinema 睇 3D 版 ... 我覺得好好睇呀 ... 雖然真係幾恐怖吓, 有幾次我都差 d 嚇到彈起 ~~~ 不過真係幾正喎 ...

我覺得又係一套想人反思既戲啦 ... 如果有時間既, 我想睇多次 ... jim carrey 真係正到不得了了呀 ~~~


有另一套我想睇既係 Julie & Julia ... 有無人得閒同我去睇呀??????????