2011 年

2011 年對我黎講, 暫時唔係好既一年 ~~~

1 月既時候, 我生命中最重要既人離開左我 ... 雖然明白離開對佢黎講, 絕對係一個大解脫, 但感情上點都會唔捨得 ~~~

好多時會諗, 到底而家既佢係邊? 有無掛住我地架? 係咪已經匯合左二姨 & 杜生, 一齊去左玩, 聽演唱會, 去左旅行呢? 有無接到公公?

對上一次夢中見, 應該都有個幾月前喇 ~~~ 應該都係時候返黎探我喇!!! 唔好玩 "創" 左個心呀!!!!

我會覺得, 媽媽比我更傷心 ~~~ 一年內無左個妹, 再無埋個老公, 之後無埋個老豆 ~~~

唉, 雖然明白生死有命, 但都唔使咁密呀吓嘛 ......


不過, 我好多謝亦好感恩亞丁係我身邊陪住我 ~~~ 佢絕對俾左好大精神上既支持我 ~~~ 如果無左佢係身邊, 我都唔知點算好 ~~~ 老公, 多謝你呀!!