XMAS @ 上水

12/25 (FRI), 今日一早約左去二姨度開 XMAS PARTY, 順道幫二姨慶祝生日

原本我話整個蛋糕入去, 但亞郭太尋日問我整唔整, 我話整, 但佢又叫我唔好整, 佢去買喎 ... 哦, 是但啦, 佢歡喜點就點 ~~~

今日起身落街食完野, 就返屋企開工整曲奇餅, 一陣拎入去二姨度 ... 今次整左牛油味 & 綠茶味, 普通唧花曲奇 ... 不過真係唧到我手軟, D 手指好痛 ~~~

搞好曬, 入到上水都差唔多 7 點, 開始食野喇 ~~~ 不過我唔係食左太多野, 無咩胃口 ~~~ 打左一陣 wii, 9 點幾 10 點就走喇 ~~~ 先車明仔返大埔, 再車爸媽家姐返馬鞍山, 之後再車埋婆婆返牛頭角 ...

因為頭先唔係食左太多野既關係, 我就提議不如去九龍城搵野食啦, 反正都叫順路 ... 當時都已經 11 點幾, 我地搵到間食泰國野, 又有串燒既 ... 我地叫左碟通菜, 10 支串燒, 1 碟泰式春卷, 1 個椰青 & 1 支大藍妹, 埋單 $196 ... 我覺得都叫 ok 丫, d 野都幾好食 ~~~ 不過好笑既係, 我同丁丁講, 我好似個麻甩佬咁, 飲啤酒 (成支我自己飲曬), 丁丁就飲椰青 ~~~ 哈, 掉轉左喎 ...

食完返到屋企都成點鐘, 好攰呀 ~~~ 不過我地仲要成 5 點幾 6 點先瞓, 兩個掛住睇電視, wakakkakakak ~~~

Avatar 阿凡達

12/24 (THUR) 家姐一早買左飛去 Megabox IMAX 睇 3D 版 Avatar, 所以今日無返工, 自我放假一日 ...

況且尋日返左全日工, 之後再同亞 mei, jola, dada 去左黃埔 outback 食飯, 一路食飯一路傾左好多好多, 好開心好好笑 ... 食完再過番棉登徑飲野, 亞 kitt join 埋, 我地繼續傾, 傾到差唔多 2 點幾 3 點先散 ... 雖然好攰, 但好耐無聚埋一齊喇 ~~~

講番套戲, 我覺得整體上係好睇 ... 只不過中間教 Jake 既時間耐左 d, 最後大戰嗰後好似短左 d, 同埋都唔係好 3D ... 不過都 OK 呀 ... Pandora 星上既動植物好靚, 嗰棵聖樹好靚 ~~~ 家姐話佢地條辮好似 USB 插咁喎 ...

睇完去左 Spotlight 行啦諗住, 點知佢做到 12/31 就執笠喇, 好可惜 ~~~ 我地就去睇吓 d 布啦, 除左窗簾布之外, 所有布都係 $100 / 卷 ... d 布俾人 "抄" 到超超超超超超亂, 真係痴線架囉 ... 咩事 d 香港人咩事呀, 使唔使搞到 d 地方咁呀, 真係有病 ~~~

雖則係咁, 我同家姐都買左 5 卷布, 丁丁仲買左 2 包現成窗簾, 3 折左之後只係 $65 /包都唔使, 抵呀 ~~~

之後車左家姐去星悅居, 佢約左朋友開 party ... 我同丁丁就去亞里斯食 xmas eve 晚餐, 雖然唔係 D 咩名貴餐廳 / 食物, 但已經好滿足喇 ~~~ 而且我從來都唔係 D 咩虛榮既人, 最重要係身邊有個愛我既人啫 ~~~ 知足常樂嘛, 哈哈 ~~~

食飽飽就返屋企休息休息喇 ... 聽日仲要去二姨度開聖誕 PARTY 架, YEAH!!!!

頹廢的一天

尋晚睇台劇 <紫玫瑰> 睇到差唔多 4 點幾 5 點, 所以今日瞓到 12 點半先起身 ... 起身又開電腦, 繼續睇 ... 真係要多謝薯仔網, hehe

睇到 3 點, 丁丁終於都起身喇, 大家梳洗過後, 落街食左個 tea, 返屋企繼續睇 ... wkakakakka ~~~

雖然我係咁煲劇, 但我都有煮飯架, 食完飯, 睇埋 <富貴門> 大結局 ... 再睇埋紫玫瑰個結局 ... 丁丁就打佢機啦當然 ~~~

UM ... 我覺得佢成套劇都唔錯, 係個結局差左 D 囉, 咁子達即係有無死到?? 小紫同子達係咪最終一齊?? 佢寫得清楚 D 會好 D 囉 ... 上網 search 過曬, 都無咩 detail 講到 ... 唔通呢套台劇唔收得??

男主角 - 黃騰浩都唔錯丫 (丁丁話佢好醜樣, 但我唔覺), 我覺得佢都型型地, 不過都係嗰句啦, 而家 d 男人既髮型係咪全部都要遮住個額頭先見得人呢 ... 唉 ~~~

女主角 - 梁文音唱歌確實好聽, 果然係星光二幫第二名, 不錯不錯 ....


咁就過左一日, 好 relax .. 好鐘意係屋企既感覺, 哈哈 ~~~

2012 + A Christmas Carol

2012 睇左都有幾星期 (我諗) ... 不過因為懶, 所以無寫 blog, hehe ~~~

2012 未上之前我好想睇 ... 但上左之後, 睇 d 影評話套戲好討好中國, 搞到我有 d 反感 ~~~ 所以都諗左好耐去唔去睇 ... 但丁丁想睇, 咁當然就要去睇啦 ...

套戲無我想像中咁悶, 而我同丁丁都唔覺有幾咁討好中國 ... 中國人多, 人工又平, 自然做得快架啦 ... d 錢又唔係中國政府出既 ... 唯一覺得討好既咪就係將西藏納入左係中國既國土囉 ...

特技真係有 d 誇張 ... 如果今套都做到咁樣, 咩都無曬咁滯, 下套末日片仲可以 sell d 咩呢??

可能現實中, 都好似套戲所講咁, 幾個大國既政府隱瞞住架喎 ... 如果真係有一日, 忽然間好似套戲咁咩都無曬 or 死曬 ... 大家覺得點呢?? 我自己睇完, 就覺得應該及時行樂啦, 盡量做 d 自己想做既野 ... 就算無世界末日, 人生苦短呀, 盡量去享受佢啦 ... 唔係到老左既時候, 無心又無力, 想做咩都無用 ... 對你所愛既人, 表達出對佢既愛啦 ... hehe



至於 A Christmas Carol, 今日同丁丁去左 the grand cinema 睇 3D 版 ... 我覺得好好睇呀 ... 雖然真係幾恐怖吓, 有幾次我都差 d 嚇到彈起 ~~~ 不過真係幾正喎 ...

我覺得又係一套想人反思既戲啦 ... 如果有時間既, 我想睇多次 ... jim carrey 真係正到不得了了呀 ~~~


有另一套我想睇既係 Julie & Julia ... 有無人得閒同我去睇呀??????????

爸爸, 生日快樂 !!

星期二 (11/17) 係爸爸生日, 原本話去科學園食 Dinner Buffet, 但因為太凍, 所以家姐話改去打邊邊 ~~~

上晝無返工, 因為想起身既時候個頭勁暈, 諗住瞓番低再慢慢起身啦, 都係唔得, 勁暈 ~~~ 無計啦, 又要請病假 ~~~ 返左工 7 個月, 真係無一個月係唔病架喎, 真係食藥都食口都 "where" 埋 ... 我真係懷疑, 我公司個位正正係今年既病位囉 ... 仲要俾人話我扮病嗰吓想死丫嘛 ...

雖然朝早頭暈, 但下晝家姐要去覆診, 我都要陪佢去 ... 唔去又會俾爸媽係度 e e or or ~~~ 同家姐睇完醫生, 食左少少野, 就先返長沙灣坐一陣, 6 點半左右就出車返馬鞍山同爸媽去烚吓烚吓喇 ~~~

去番新港城 <海港> (好似叫呢個名), 食物都 ok 呀, 係個湯底差 d 囉 ... 我地叫左豬骨湯底, 但唔見有豬骨, 只見到排骨囉 ~~~ 囧
但唔知係太油定真係唔太乾淨, 我又係食食吓肚痾 ... 囧
食飽飽, 車埋爸媽家姐返去, 我地都打道回府 lu ~~~

------------------------------------------

爸爸, 你放心啦, 我一定會好好照顧家姐 & 媽媽架 ... 最緊要係你唔好成日諗埋 d 唔等使野, 凡事都有正反兩面, 唔好只係諗反嗰一面嘛 ~~~ 下世既野, 咪下世先算囉, 你而家諗都無用架嘛, 你都唔會知架啦; 可能你下世做左隻貓, 返黎我身邊, 等我服侍你呢 ... 就算你個肉體無左, 你都會無時無刻係我地身邊架嘛 ... 所以唔好諗太多, 搞到自己瞓唔到, 有咩謂呢 ... 開開心心咁過每一日先無憾架嘛, 知道唔知道??

雖然我無日日打俾你, 個個星期同你飲茶食飯, 但翹翹真係好愛你架 ... 不過咁, 我會盡量記得日日打俾你啦, 飲茶食飯就盡量就時間啦, hehe ~~~

行街街

今晚 (11/10 星期二) 約左莎莎行街街 ... 一黎要俾本工聯會書仔佢; 二黎丁丁今晚約左人食飯 ... 我可以 free 一晚, yeah!!!

我到左旺角先, 上左田園睇吓有無書好買 ... 今日下晝係大眾睇中左本書, 不過諗住遲 d 去樓上書店買 (平 d 嘛) ... 要等莎莎, 正好可以去望望, 不過 ... 我完全唔記得左個書名, 只係記得個封面綠綠地色, 但搵唔到有 ~~~ 不過都俾我買到兩本好書, 哈哈 ~~ 我既精神食糧又多兩本, good!!

莎莎到左之後, 我拉佢上埋開益搵, 但都搵唔到 ... 去埋商務都無 ~~~ 算!! 我下次去番大眾買, 哼 ~~~


完成左呢個搵書大行動之後, 我地就正式開始今晚既目的, 就係 "買玩具" !! 正確黎講, 係亞莎買, 我負責叫 / 慫恿佢買 ... wakkakaakak ~~~ 最終, 佢當然係有買野啦 ~~~

買完行完, 我就去左食樂園, 個炸蝦餅好味呀 ~~~ 同埋, 經我證實, 我真係要以毒攻毒去止咳 ... 食完炸野 & 飲完凍野之後, 我真係無咁咳囉 ... hohohoho ~~~

之後, 我帶左莎莎去買銀野 ... 我一向去買開, 好平 ... 但亦因為咁, 我地兩個俾間舖既其中一個麻甩店員抽水囉 ~~~ 真係頂!!!!

話說莎莎睇手錬, 佢話佢試既時候, 亞麻甩 "懶" 好咁幫佢帶, 順便就係咁捉住佢隻手 ... 到搵我隻手黎試款既時候, 亞麻甩幫我帶啦, 又係咁捉住我隻手 ... 到莎莎試介指, 亞麻甩又借頭借路咁捉住 / 掂住亞莎 d 手指 ~~~ 妖妖妖妖妖 ~~~ 正 PK !!

我去買咁多次都未試過有咁既情況發生, 可能因為大部份時間丁丁都有陪我去; 再唔係就唔係嗰條麻甩招呼我 ... 總之今次就賴曬野啦 ... 下次要搵個壯丁陪我地一齊去先得 ... 如果有壯丁都敢抽水既, 即刻打爆佢!!!

不過, 今晚都過得好開心 ~~~ hehe, 多謝莎莎 ^^

唔明

經過尋晚既打邊邊, 今日好似咳少左喎 ~~~ 唔通我要以毒攻毒先會好??? 哈哈哈哈 ~~~

今日 12 點幾就醒左 lu, 不過睇吓電視上吓網, 都成 3 點先落街食野 ~~~

食完野我話想去油麻地買野 & 行吓, 咁我地就上左佐敦道小巴啦 ... 係小巴既時候, 我問丁丁應該去左買野先, 定行左先呢 ...

佢就問我行邊條街呢, 我話行油麻地嗰條街 .. 丁丁又問即係邊條, 我答上海街 (因為我只會行上海街) ...

佢再問我買野即係去邊度買 ... 平時我話去油麻地買野, 佢就知道係邊; 因為我去油麻地買野, 即係去買蛋糕野 ~~~ 我咪話咪平時去開嗰度囉 ... 但佢係都要咬住唔放, 話我講野唔清楚 ... 唔講清楚地點 & 去做咩 ~~~ 我真係慶, 咪話佢 "平時去油麻地買野你都知架啦, 你而家明就明, 唔明就算"

我真係覺得好煩囉, 有時 d 野大家明咪得囉, 點解係都要講得咁清楚呢 ... 佢又唔係唔知, 放左工 & 放假時, 我個腦未必轉得咁快, 可以即時講到好清楚出黎 ... 如果佢覺得要咁樣去 train 我既, sorry 喎, 我唔需要呢 d training 囉 ... 我只希望平日既生活可以 relax d, 唔使吓吓都要用曬腦 ...

佢愈係要我講得清楚, 我就愈反感 ... 明就明, 唔明就算, 唔好煩!!!!

打邊邊

尋日 (星期六) 瞓到 2 點, 不過唔代表我瞓得夠, 因為我成晚瞓瞓吓咳醒, 真係咳得好辛苦 ~~~ 同丁丁食完野, 買埋貓糧之後 ... 返屋企又再瞓過 ~~~ 一瞓就瞓到 7 點幾識醒, 真係好懶呀我 ~~~

之後打俾莎莎, 約佢 8:45PM 係新星等, 因為我地又去打邊邊呀 ... YEAH!!! 原本諗住可以訂枱, 唔使早 D 去等位, 但打到去新星, 話訂位 full 曬喎 ... 咁我同丁丁就早 d 去攞飛仔先啦 ~~~

又一次食得好飽飽, 好味好新鮮, 正正正!!! 不過食到尾聲, 我去完廁廁返位既時候, 莎莎同我講, 話我地隔離張枱有個男人係咁望我地食左幾多野, 之後同佢自己枱 d 人講, 嗰張枱既所有人即時望曬過黎喎 ... 佢地仲話 "咁有 d 人係食得多, 有 d 人係食得少既 ... " 莎莎要望實佢地, 佢地先識收聲 ...

丁丁全程背住呢班友, 所以佢唔知 ... 我等莎莎同我講完之後, 我好大聲咁覆述一次俾佢聽 ... 莎莎一聽到我咁大聲講既時候, 我亦好大聲同莎莎講, 我特登咁大聲既 !!

我同丁丁講 "莎莎話隔離枱著黑色衫嗰個男人, 係咁望過黎我地張枱, 睇我地食左幾多碟野, 之後又同番自己嗰枱 d 人講, 成枱人望曬過黎, 又係度 b lee ba la ... etc etc etc" ....

我講完之後, 隔左一陣, 我問莎莎, 班友仲有無望過黎, 莎莎話佢地唔敢再望過黎我地嗰邊 ... wakkakakaak ~~~

都唔明 d 人有咩咁好八, 食幾多野關佢地鬼事呀 ... 出街俾人打咪就係呢 d 人囉, 多多事幹, 真係俾人打都唔抵可憐呀 ~~~

瘀皮

話說工聯會春季課程 1 月開始, 咁尋日食完 lunch, 就諗住同丁丁去報名啦 ~~~

去到深水埗既 center 既時候, 我地先睇左牆上面 d 紙仔先啦 ... 但搵唔到個日文初班喎 ... 咁我就去 counter 問 d 姐姐啦 ...

當我問完之後, 點知亞姐姐指住本章程既封面, 好淡淡然咁講左句 "未開始報名喎" ...

係嗰刻, 我先望到個封面, 雞乸咁大隻字寫住 11 月 16 日開始接受報名 ... ... =____=

我唯有大笑遮羞啦 ... 丁丁又扮曬野一早知 (其實佢根本就唔知!!), 又話因為我要黎報名先黎 ... 真係激 c 人呀 ~~~~

嗲聲嗲氣

星期日係屋企, 無野做, 去睇其他人既 blog, 睇到一段真係有同感到不得了既文字

"我真係唔係咁鐘意極度嗲聲嗲氣既女仔~~原來呢 d 假純如綿羊既女仔先得男孩子歡心；
我呢 d 悍如老虎就令男孩子怕怕~~~唔怪得之我無 market 啦~！
我只係堅強、勇敢 d 姐 . . . . . . 哈哈~~~ "


加番 d 個人既感想 :

我真係好討厭嗰 d 扮曬嗲既女仔 ; 無可否認, 有 d 女仔真係天生就好嗲, 咁呢種無得講, 佢地嗲得好自然, 唔會俾人做作既感覺 ; 我討厭既係扮嗰 d 女仔囉 ...

早排先見識過, 原來扮嗲, 可以成個家族既女仔都係咁 ... 一個字講曬, 就係 假 ... 成個家族 d 女仔都假口假面, 乞人憎到不得了 !!!!!!

不過, 事實上又係, 男仔會特別歡迎 d 假綿羊既女仔 ... 真係唔知話佢地可笑定可憐 ~~~


好慶幸, 我身邊無一個女性朋友係咁, 亦因為我好憎嗰 d 女仔, 所以唔會同佢地做到朋友, that's why 我身邊無 ... wakkakakakakakak ~~~~

至於我係咪堅強 & 勇敢 ... um ... 我覺得我比較硬淨囉 (係咪一樣??!??!) ... 我只會對住丁丁軟弱囉, hehe ... 亦可能我比較好勝, 所以無論點, 只可以輸人唔輸陣 !!!!

我份人真係好直, 係直到我唔知邊句係直, ahahahha ~~~ 亦俾人覺得我好倔, 會唔會因為我講野無尾音既關係呢?? (但係咪真係無尾音, 而且又可謂尾音????? XDD)

又要講番嗰句, 鐘意我既就會鐘意我 ; 唔鐘意我既, 我做咩都唔會鐘意 ~~~ 但唔鐘意又如何, 咪唔好鐘意囉 ~~~~ 哈!

黎陳聯婚

尋日 (10/28) 係靈靈表姐 & 潮潮哥既大喜日子, 祝佢地兩個日日都咁溫馨甜蜜, 開開心心 ... 放心啦, 一定會有好多個奇蹟出現架 ..

尋日 6 點半左右就起左身, 換好曬衫就出發去馬鞍山接爸媽 & 家姐, 差唔多成 9 點先去到上水 .. 之後就坐係度等接新娘, 玩遊戲, 斟茶, 拜神, 出門 ~~~ 攪到 12 點幾, 佢地去左男家, 我地就係二姨屋企食 lunch ... 靈靈個六嬸好勁呀, 整左好多野食, 樣樣都好好味呢 ~~~

食完飯, 尾姨陪左二姨上房休息吓先 ... 二姨今日好靚女, 仲好好精神添, 好叻女呀!!!

媽咪係二姨度陪佢, 我就送爸爸返屋企 ... 家姐 & 亞恩就跟左我返長沙灣, 稍事休息, 再出發去文化中心觀禮 ...

觀完禮後, 我同丁丁係附近影幾張相, 先行過去 holiday inn ... 我今晚負責坐門口, haha ~~~ 坐門口真係一件幾艱巨既任務 ... 要叫人簽名, 問人地係男家女家, 再搵番坐邊張枱, 又收人情 ... 人少就好易 handle; 但當一大班人湧黎既時候, 真係頭都大埋 ...

仲要我忙緊既時候, 俾我地偉大既三姨, 開 mic 係咁叫我去影相 (叫全名架吓) ... 真係勁乞人憎, 成日得把死人聲係度叫叫叫, 煩爆呀!!!!

不過點都好, 我同靈靈一世人兩老表, 幫到一定幫 ...

佢地尋晚既婚宴真係好 sweet 好 sweet ... 潮潮哥勁呀!!!

送埋爸媽家姐返屋企, 我地點半左右返到長沙灣 ~~~ 真係好攰, 著左成日 high heel, 對腳好痛呀 ...

食海鮮

尋日瞓到成 2 點先起身, 落街食左少少野, 丁丁話想去影相 ~~~ 咁我地就諗去邊啦, 諗諗吓, 不如去西貢啦, 反正好耐無去 ~~~ 去到行左一陣, 打俾爸爸, 問吓佢地食唔食飯 ... 咁啱爸媽去左將軍澳探親戚 ... 佢地坐小巴過黎都好快呀 ~~~ 家姐都係屋企過黎 ...

爸爸一向都鐘意食瀨尿蝦, 咁當然留番係西貢食海鮮啦 ... 食完去左巷仔食糖水, 不過真係好難食囉 ~~~ 車埋爸媽家姐地返屋企, 我地返到長沙灣啱啱好 10 點睇 <超級巨聲>, yeah!!

雖然今晚餐飯都幾肉赤, 不過算啦, 最緊要開心, 唔係餐餐咁貴都 ok 啦 ~~~

二手煙

今日係亞榮同 Carrie 既大喜日子, 祝佢地早生貴子, 百年好合, 永結同心, 恭喜恭喜 ~~~


今晚去左日航酒店飲, 之後又去左港晶 neway 唱 k, 同行既係亞榮既朋友 (有 d 亞豹都識) ...
不過有個死佬真係好死 cheap 囉, 一入到房就已經問另外一個有無煙 .. 之後問都唔問吓我地介唔介意, 就點左支煙 !!!!!! 真係頂佢個肺丫 ~~~

佢 d 朋友已經同佢講話而家唔俾食架喇, 但佢都無意欲整熄支煙囉 ... 真係好無品!!

另外有兩個見到佢食, 又跟埋一齊食, 真係好好好好好好好死臭!!!!
我真係俾 d 煙味搞到我好想嘔, 到而家都仲有呢個想嘔既感覺 ~~~~

逼人食二手煙既人, 正一死仆街黎架!!! 不知所謂!!!!!!!!!!!!!!!!!!!!!!!!!!!!!

知心好友

我好慶幸, 我身邊有好幾個真正既知心好友 ...

由細到大, 我讀書成績都唔係好叻嗰批, 升中學既時候, 媽媽為左我唔好派到去 D 唔知咩學校, 所以一早幫我報左間 BAND 2 既 ...

到派位出左, 我真係派唔到入間 BAND 1, 好在一早報既 BAND 2 收左我 ... 當然媽媽梗係唔太滿意啦, 不過我就無所謂 ... 亦因為咁, 我識到 3 個到而家仲好好朋友既姊妹 : ZOE, 阮阮 & CATHY ... 佢地好勁架, 想當年我仲火爆過而家好多倍, 佢地都頂得住, 好野!!! 亦係度感謝佢地對我既無限包容 & 愛護左我 18 年, 多謝你地呀 !!

到中五畢業, 我既成績當然上唔到預科啦, 符符碌碌之外, 俾我入到 STTI, 跟手又俾我識多一班好姊妹 : 莎莎, 嘈嘈, 亞粉 & 亞芝 ... 雖然大家既性格都好唔同, 但又咁好彩可以 click 到啱 channel 喎, 啱傾又啱玩 ... 一玩就玩左 12 年喇 ...

另外有兩位好友, jola 同 mei mei, 真係多得佢地最近既 support, 如果唔係, 我真係撐唔到落去 ... 雖然唔係成日都見到, 但唔會因為唔成日見, 而感情生疏囉 ... 好開心可以識到你兩個!!! 多謝你地呀!!

我相信亦希望我地既友誼, 會 keep 到我地老到甩曬牙, 棟住支拐杖, 一齊去公園坐, 打牙較過日辰 ... waakkakakaak ~~~

我返黎喇 ...

整理過後, 重新出發!!!

我返黎喇!!!!!! YEAH!!!!!!!